काठमाडौं । नेकपा एमाले अध्यक्ष केपी शर्मा ओलीले झापा-५ बाट निर्वाचित राष्ट्रिय स्वतन्त्र पार्टी (रास्वपा) वरिष्ठ नेता बालेन शाहलाई बधाई दिएका छन्।

ओलीले सामाजिक सञ्जाल फेसबुकमार्फत बधाई दिएका हुन्। उनले दिएको बधाईमा पाँच वर्ष सफल कार्यकालको शुभकामना समेत व्यक्त गरिएको छ।

‘बालेन बाबु, विजजयका लागि तपाईंलाई बधाई। तपाईंको पाँच वर्षे कार्यकाल निर्विघ्न सफल रहोस्, हार्दिक शुभकामना!,’ उनले लेखेका छन्।

बालेनले ६८ हजार ३४८ मत ल्याउँदै झापाबाट विजय भएका छन्। उनले ओलीलाई ४९ हजार ६१४ मत अन्तरले पराजित गर्दै जित हासिल गरेका छन्। ओलीले १८ हजार ७३४ मत प्राप्त गरेका छन्।

यसैगरी उक्त क्षेत्रमा नेपाली कांग्रेसकी मंधरा चिमोरियाले १८२१ मत प्राप्त गर्दा नेपाली कम्युनिस्ट पार्टीका रन्जित तामाङले १४६१ मत प्राप्त गरेका छन्।