काठमाडौं । अर्थविद् केशव आचार्यको ७२ वर्षको उमेरमा निधन भएको छ। अन्नपूर्ण न्यूरो हस्पिटलमा उनको आज बिहान ९:१५ बजे उपचारको क्रममा ज्यान गएको हो।

आचार्यलाई मस्तिष्कघात भएसँगै न्यूरो हस्पिटलमा भर्ना गरिएको थियो। उनको पार्थिव शरीरको मंगलबार मात्रै अन्त्येष्टि गरिने पारिवारले जनाएको छ। उनका एक श्रीमती, एक छोरा र एक छोरी छन्।

उनले नेपाल राष्ट्र बैंकको कार्यकारी निर्देशकका रुपमा समेत जिम्मेवारी सम्हालेका थिए। उनले अन्तर्राष्ट्रिय मुद्रा कोष (आईएमएफ)मा समेत काम गरेका थिए।