काठमाडौं। पूर्वप्रधानमन्त्री तथा नेकपा एमालेका अध्यक्ष केपी शर्मा ओलीको त्रिवि शिक्षण अस्पतालमा बयान सुरु गरिएको छ।

ओलीको स्वास्थ्य समस्याका कारण सरकारी वकिल र प्रहरीको संयुक्त टोलीले अस्पतालमै बयान लिन सुरु गरेको हो।

जेनजी जाँचबुझ आयोगको प्रतिवेदन अनुरुप गत शनिबार ओलीसहित पूर्वगृहमन्त्री रमेश लेखक पक्राउ परेका थिए। ओली र लेखकको भिडियो कन्फ्रेन्समार्फत म्याद थपको तयारी भइरहेको छ।

पक्राउपछि पहिलोपटकका लागि दिएको पाँच दिनको म्याद आज सकिँदै गर्दा अदालतबाट दोस्रोपटक म्याद लिने तयारी भइरहेको छ।