काठमाडौं। कोरोनाभाइसर संक्रमित भएको हुन सक्ने आशंकामा १४ दिनको क्वारेन्टाइनमा राखिएका व्यक्तिले क्वारेन्टाइन सकिने अन्तिम दिन अर्थात १४ औं दिन नै आत्महत्या गरेका छन् । ती व्यक्तिले क्वारेन्टाइन सकिने अन्तिम दिन नै किन आत्महत्या गरे भन्ने खुलासा भएको छेन । त्यो दिन क्वारेन्टाइनमा बिताएपछि उनी भोलिपल्ट घर परिवारसँग जान पाउँथे तर उनले अन्तिम दिन नै आत्महत्या गरेपछि अधिकारीहरु समेत आश्चर्यमा परेका छन् ।

आज तकको अनुसार घटना भारतको गुजरातको हो । गुजरातको बनारकांठामा क्वारेन्टाइनमा राखिएका ती व्यक्तिले शुक्रबार आत्महत्या गरेका हुन् । ती व्यत्तिःलाई २० मार्चदेखि क्वारेन्टाइनमा राखिएको थियो । १४ दिनका लागि क्वारेन्टाइनमा राखिएका ती व्यक्तिको १४ दिनको अवधि शुक्रबार नै पूरा हुँदै थियो । आत्महत्याको पछमडि मानसिक तनाव कारण रहेको हुन सक्ने अनुमान गरिएको छ।