काठमाडौं ।  नेपाल पुनर्बिमा कम्पनीले आफ्नो सेयरधनीलाई लाभांश वितरण गर्न नियामक बिमा समितिबाट अनुमति प्राप्त गरेको छ । कम्पनीले १६.५० प्रतिशत बोनस र करसमेत गरी २.५० प्रतिशत नगद लाभांश गरी कुल १९ प्रतिशत लाभांश दिन लागेको हो ।

बिमा समितिको स्वीकृति पाएकाले अब  कम्पनीको वार्षिक साधारण सभामा लाभांश अनुमोदनका लागि पेश गर्ने भएको छ । कम्पनीको वार्षिक साधारण सभाले पारित गरेपछि मात्र सेयरधनीलाई उक्त लाभांश वितरण गरिने छ ।