काठमाडौं। एक्सेल डेभलपमेन्ट बैंकले २७ हजार २५७.२० कित्ता सेयर लिलामीमा ल्याउने भएको छ। कम्पनीले गत असोज २५ देखि कात्तिम २१ गतेसम्म २४ लाख ३३ हजार ३६३.६७ कित्ता (३०%) हकप्रद सेयर बिक्री खुल्ला गरेकोमा बिक्री नभएको २७ हजार २५७.२० कित्ता शेयर लिलामीमा ल्याउने भएको हो ।

बैंकको यस सेयरमा  लगानीकर्ताले न्यूनतम १०० रुपैयाँलाई आधार मानेर प्रतिस्पर्धात्मक बोलपत्रमा सहभागी हुनुपर्नेछ । लगानीकर्ताले  न्यूनतम १ सय कित्तादेखि अधिकतम सबै कित्ताका लागि आवेदन दिन सकिनेछ ।

इच्छुक आवेदकले मंसिर २९ गतेदेखि  पुस ७ गते कार्यालय समयभित्र शिलबन्दी बोलपत्र पेश गर्नुपर्ने छ।  यसमा बिक्री प्रबन्धक एनआइबिएल एस क्यापिटलको काठमाडौं, ललितपुर, पोखरा, बुटवल, बिरगञ्ज र बिराटनगर शाखा कार्यालयबाट आवेदन दिन सकिनेछ । यस्तै, नेपाल इन्भेष्टमेन्ट बैंकको नारायणगढ, हेटौंडा, बिर्तामोड, जनकपुर, तुल्सीपुर दाङ, सुर्खेत, नेपालगञ्ज र धनगढी शाखा कार्यालयबाट आवेदन दिन सकिनेछ ।