नेपालगञ्‍ज। बाँकेको राप्तीसोनारी गाउँपालिकामा नेपाली कांग्रेस विजयी भएकाे छ। गाउँपालिका अध्यक्षमा कांग्रेसका तप्तबहादुर पौडेल १० हजार ११२ मतसहित विजयी भएका हुन्। उनका निकटतम प्रतिस्पर्धी माओवादी केन्द्रका पट्टु थारुले ९ हजार २९२ मत मात्र पाए।

उपाध्यक्षमा पनि कांग्रेस नै विजयी भएकाे छ। मनिसासिंह थारु १० हजार १३४ मतसहित विजयी हुँदा निकटतम प्रतिस्पर्धी चमेलीकुमारी वाकबलले ९ हजार ३४१ मत मात्र पाइन्।