काठमाडौं । सर्प देख्दा साहसीहरूको पनि हालत बिग्रन्छ । तर एक सानी बालिकाले सर्पलाई जे गरिन् त्यो देखेर सबै छक्क परे । वास्तवमा, पहिले सर्पले बालिकालाई डस्यो, त्यसपछि बालिका यति रिसाइन् कि उसले आफ्नो दाँतले सर्पलाई चबाइन्।

डेली मिररको रिपोर्टअनुसार घटना टर्कीको एउटा गाउँको हो । दुई वर्षीया बालिकालाई पहिलो पटक उनका छिमेकीहरूले देखेका थिए। उनले चिच्याएको सुनेर छिमेकीहरु घटनास्थल पुगेका थिए । तर जब उनीहरूले बालिकालाई देखे, उनीहरूको होश उड्यो, किनकि बालिकाको मुखमा करिब आधा मिटर लामो सर्प थियो। यससँगै बालिकाको अनुहार र ओठमा सर्पको टोकाइको निशान पनि थियो ।

यो देखेर छिमेकीले तत्काल बालिकालाई सर्पबाट अलग गरेर अस्पताल भर्ना गरेका थिए जहाँ उनलाई २४ घण्टा निगरानीमा राखिएको थियो । अस्पतालमा बालिकाको अवस्था खतरामुक्त रहेको बताइएको छ ।

यो अगस्ट १० घटना को हो, जसको अहिले सामाजिक सञ्जालमा चर्चा भइरहेको छ । यो सर्प खेल्दै गर्दा बालिकाको नजिक पुगेको बताइएको छ । त्यही बेला बालिकाले सर्पलाई खेलौना बनाएर खेल्न थालिन् । यसै क्रममा सर्पले बालिकाको ओठमा टोक्यो । जवाफमा बालिकाले पनि सर्पलाई दाँतले टोकिन् ।

उक्त घटनामा सर्पको मृत्यु भएको थियो । सर्प लगभग दुई टुक्रा भइसकेको थियो। रिपोर्टका अनुसार घटनाको समयमा बालिकाका बुबा काममा थिए। सत्य थाहा पाएपछि उनको होश उडायो । छोरी जिउँदै फेला परेपछि उनले छोरीलाई भगवानले बचाएको बताए ।