काठमाडौं। भारतले जम्मु कश्मिरलाई विशेष दर्जा दिने संविधानको धारा ३७० खारेज गरेपछि भारत र पाकिस्तानको सम्बन्ध चिसिएको छ । पाकिस्तानले भारतको यो कदमको विरोध गरेको छ । यसैबीच पाकिस्तानी प्रधानमन्त्री इमरान खानले भारतीय प्रधानमन्त्री नरेन्द्र मोदीलाई कडा चेतावनी दिएका छन् । उनले ट्वीटरमार्फत मोदीलाई इतिहास स्मरण गराउँदै चेतावनी दिएका हुन् ।

The fascist, Hindu Supremacist Modi Govt should know that while armies, militants & terrorists can be defeated by superior forces; history tells us that when a nation unites in a freedom struggle & does not fear death, no force can stop it from achieving its goal.

— Imran Khan (@ImranKhanPTI) August 16, 2019

इमरानले कश्मिरका जनताले स्वतन्त्रताको लागि विद्रोह गर्नेतर्फ संकेत गर्दै ट्वीटरमा लेखेका छन् ‘फाँसीवादी, हिन्दू सर्वोच्चतावादी मोदी सरकारले बुझ्नुपर्छ कि सेना, उग्रवादी र आतंकवादी अधिक शक्तिशाली शक्तिबाट हराउन त सकिन्छ तर, इतिहासले हामीलाई बताउँछ कि जब एक राष्ट्र स्वतन्त्रता संघर्षको लागि एकताबद्ध हुन्छ र मृत्युसँग डराउन छाड्छ, कुनै पनि शक्तिले उसलाई उसको लक्ष्य प्राप्त गर्नबाट रोक्न सक्दैन ।’