प्रेसलाई व्यवस्थित र मर्यादित बनाउन मिडिया काउन्सिल विधेयक : सञ्चारमन्त्री – Dcnepal

प्रेसलाई व्यवस्थित र मर्यादित बनाउन मिडिया काउन्सिल विधेयक : सञ्चारमन्त्री

राष्ट्रिय सभाको शुक्रबार बसेको बैठकमा सञ्चार तथा सूचना प्रविधिमन्त्री गोकुलप्रसाद बाँस्कोटा नेपाल मिडिया काउन्सिल विधेयक, २०७५ माथि सदस्यहरूले उठाइएका प्रश्नहरूको जवाफ दिँदै । तस्वीर : रत्न श्रेष्ठ, रासस


काठमाडौं। सञ्चार तथा सूचना प्रविधि गोकुल बाँस्कोटाले संविधान प्रदत्त प्रेस तथा अभिव्यक्ति स्वतन्त्रतालाई कमजोर बनाउने विषय मिडिया काउन्सिल विधेयकमा नरहेको बताएका छन्।

राष्ट्रियसभाको शुक्रबारको बैठकमा विधेयकमाथि विचार गरियोस् भन्ने प्रस्तावमाथिको छलफलमा सांसदरुले उठाएको प्रश्नको जवाफ दिने क्रममा मन्त्री बाँस्कोटाले प्रेसलाई व्यवस्थित र मर्यादित बनाउनका लागि सरकारले विधेयक ल्याएको बताएका हुन्।

लोकतन्त्र गणतन्त्र स्थापित नहोस्, भद्रगोल होस् प्रणालीले काम नगरोस् भन्ने तहबाट हुने बाह्य आक्रमण र मिडिया आफैं बहकिएर स्वतन्त्रताको नाममा स्वच्छन्दतालाई प्रेसको परिभाषा भित्र अनुबन्धित गरेर जान खोज्ने कुराले प्रेसको विश्वसनियतामाथि प्रश्न उठाएको र त्यो आन्तरिक चुनौती डरलाग्दो रहेको भन्दै उनले ती सबै चुनौतीको सहज व्यवस्थापन गर्ने सोचमा रहेर विधेयमा आवश्यक व्यवस्था गरिएको बताए।

उनले नागरिकले प्रेसप्रति विश्वास गर्ने दृष्टिले मर्यादा र सीमालाई सोचेर सरकारले विधेयकमा केही त्यस्ता व्यवस्था गरेको जनाए। स्वतन्त्र प्रेसको नियन्त्रण लोकतन्त्रको मूल्य पद्धति भित्र नपर्ने विषय भएको भन्दै उनले सरकारले कानुनी नियमन र स्वनियमनलाई विधेयकमा उठाइएको बताए।

‘जसलाई जे पनि भनेको छ, जे पनि आरोप लगाएको छ। जवाफदेहिता छैन, उत्तरदायित्व छैन। ‘संविधान खारेज गरौं। संशोधन होइन खारेज। समाप्त गरौं। अर्को चीज ल्याऊँ। यो पनि पत्रकारिता हो? यसलाई अलिकति नियन्त्रण गर्न खोज्यो भने प्रेस स्वतन्त्रतामाथि धावा बोल्ने ? यो त्यस्तो हो?’

कारवाही प्रक्रियाको बारेमा उजुरी, जाँचबुझ, मिलापत्र, स्पष्टिकरण अनि क्षतिपूर्ति वा जरिवानाका विषय राखिएको भन्दै उनले क्षतिपूर्ति र दण्ड जरिवानाका कुरालाई अदालति प्रक्रियामा लैजान सकिने बताए। पत्रकारिता भन्दा पनि मिसनकारितामा मिडियाको दुरुपयोग बढ्दै गएको अचम्म अचम्मका प्रवृति देखिएको भन्दै उनले स्वतन्त्र प्रेसको नाममा हुने लोकतन्त्र विरोधी कार्यलाई स्वीकार गर्न नसकिने बताए।

‘जसलाई जे पनि भनेको छ, जे पनि आरोप लगाएको छ। जवाफदेहिता छैन, उत्तरदायित्व छैन,’ उनले भने, ‘संविधान खारेज गरौं। संशोधन होइन खारेज। समाप्त गरौं। अर्को चीज ल्याऊँ। यो पनि पत्रकारिता हो? यसलाई अलिकति नियन्त्रण गर्न खोज्यो भने प्रेस स्वतन्त्रतामाथि धावा बोल्ने ? यो त्यस्तो हो?’

तानाशाही व्यवस्थामा नबोल्नेले अहिले गणतन्त्र आफूले ल्याएको दाबी गर्दै त्यस विरुद्ध विभिन्न बक्तव्य बाजी गर्दै हिडेकोमा पनि उनले आपत्ति जनाए। उनले राजतन्त्रका पक्षधरहरु प्रेस स्वतन्त्रताको नाममा लोकतान्त्रिक व्यवस्थालाई सिध्याई पुस्थापित हुने प्रयास गरिरहेको दाबी गरे।

‘कहिले देश टुक्राउन आउ। कहिले गणतन्त्र समाप्त गर्न आउ। कहिले के गर्न आउ भनेर लोकतन्त्रलाई खुला चुनौती दिने? त्यो हेरेर बस्न सकिन्छ?,’ उनले भने, ‘निरंकुशताको रहल पहल आज पनि फडा उठाउन खोज्दैछ। के को नाममा? स्वतन्त्र प्रेसको नाममा’

उनले नेताहरुको मानमर्दन गरि स्थापित प्रणालीलाई नै समाप्त पार्ने विषयलाई स्वतन्त्र प्रेसको रुपमा परिभाषा गर्ने विषयमा सरकार सहमत हुन नसक्ने बताए। उनले अनुजा, भक्तमान, दिलशोभा लगायत प्रकरणबाट सरकार अनुशप्त रहेको स्मरण गराउँदै कुनै पनि विषयमा मिडिया ट्रायल हुन नदिइने चेतावनी दिए।

उनले भने, ‘अनुजा, भक्तमान, दिलशोभा प्रकरण हेरौं न। अदालती काम प्रेसले गर्न सक्दैन। मिडिया ट्रयाल हुन सक्दैन। पहिले नै राय दिएर समाजलाई दिग्भ्रमित बनाउने कुरा। यस्तै कुराले हो अराजकता र स्वच्छन्दता मौलाउदै गएपछि स्वतन्त्रता , लोकतन्त्र अप्ठ्यारोमा पर्ने।’

आमसञ्चार सम्बन्धि नियमन मात्रै गर्ने भएकाले यो विधेयकलाई सम्मृद्ध बनाउने सवालमा आएका सुझावलाई सरकारले समावेश गर्ने प्रतिवद्धता उनले जनाए।  छलफलपछि मिडिया काउन्सिल विधेयक २०७५ माथि विचार गरियोस् भन्ने प्रस्तावलाई बैठकले सर्वसम्मतिले स्वीकृत गरेको छ।

Facebook Comment


सम्बन्धित खवर

ताजा भिडियो