काठमाडौं। शिखर इन्स्योरेन्सले ३० प्रतिशत हकप्रद सेयर जारी गर्ने भएको छ।  उक्त हकप्रद जारी गर्न कम्पनीले बुकक्लोज मिति तय गरेको छ। कम्पनीले माघ २१ गते बुक क्लोज गर्ने भएको छ । यस अनुसार माघ २० गतेसम्म कायम सेयरधनीले मात्र उक्त हकप्रदमा आवेदन दिन सकिने कम्पनीले जनाएको छ।

कम्पनीले ५२ लाख ७५ हजार ५७२ कित्ता हकप्रद सेयर बिक्री गर्न लागेको हो । कम्पनीले १०ः३ अनुपातमा प्रति कित्ता १ सय रुपैयाँ अङ्कित मुल्यमा ५२ करोड ७५ लाख ५७ हजार २ सय रुपैयाँबराबरको सेयर जारी गर्न लागेको हो।

यस हकप्रदमा बिक्री प्रबन्धकको काम एनआइबीएल एस क्यापिटलले गर्नेछ । इक्रा नेपालले यस हकप्रदलाई कम जोखिम जनाउने ‘इक्राएनपी आइआर सिंगल ए’ ग्रेडिङ प्रदान गरेको छ ।