काठमाडौं । नेपाली ब्याट्सम्यान रोहित पौडेलले पपुवा न्यूगिननी (पीएनजी)विरुद्ध अर्धशतक प्रहार गरेका छन्। । कीर्तिपुर स्थित त्रिवि क्रिकेट मैदानमा पीएनजीविरुद्ध लक्ष्य पछ्याउने क्रममा रोहितले अर्धशतक पुरा गरेका हुन् ।

पौडेलले ५४ बलमा ३ चौका १ छक्का प्रहर गर्दै अर्धशतक पुरा गरे । रोहितको यो एकदिवसीय अन्तराष्ट्रिय क्रिकेटमा पाँचौं अर्धशतक हो । पीएनजीविरुद्ध रोहितको यो दोस्रो अर्धशतक हो ।

यो अर्धशतकसँगै रोहित नेपालक लागि एकदिवसीय अन्तराष्ट्रिय खेलमा यसअघि ४ अर्धशतक प्रहार गरेका पूर्वकप्तान ज्ञानेन्द्र मल्ललाई उछिन्दै सर्वाधिक अर्धशतक बनाउने कीर्तिमान बनाएका हुन्।हाल मैदानमा ७६ बलमा ७८ रनमा उच्च लयका साथ मैदानमा खेलिरहेका छन्।