काठमाडौं । ललितपुरको औद्योगिक क्षेत्रमा अक्सिजन प्लाण्टभित्र विस्फोट हुँदा एक जनाको मृत्यु भएको छ ।

ललितपुर प्रहरी परिसरका अनुसार एक जनाको मृत्यु हुनुका साथै अन्य चार जना घाइते भएका छन् । घाइतेहरुको उद्धार गरी पाटन अस्पतालमा लगिएको छ ।

औद्योगिक क्षेत्रमा रहेका मानिसहरुको उद्धार कार्य जारी रहेको छ । सगरमाथा अक्सिजन प्लाण्टभित्र सो विष्फोट भएको ललितपुर परिसरका एसपी सिद्धिविक्रम शाहले जानकारी दिएका छन् ।

उनका अनुसार अक्सिजन भर्ने क्रममा विस्फोट भएको थियो ।