दुई लघुवित्तसहित तीन कम्पनीको सेयर भाउमा सकारात्मक सर्किट
काठमाडौँ। नेपाल स्टक एक्सचेञ्ज (नेप्से)मा तीन कम्पनीको सेयर भाउमा सकारात्मक सर्किट लागेको छ।
आइतबारको कारोबारमा मानुषी लघुवित्त वित्तीय संस्था, युनिक नेपाल लघुवित्त वित्तीय संस्था र शुभम पावरको सेयर भाउमा सकारात्मक सर्किट लागेको हो। यी तीन वटै कम्पनीको सेयर भाउ १० प्रतिशतले बढेर सर्किट लागेको हो।
मानुषी लघुवित्तको सेयर भाउ ७७ रुपैयाँले बढेर ८ सय ४७ रुपैयाँ र युनिक नेपाल लघुवित्तको सेयर भाउ १ सय ६० रुपैयाँ ४० पैसाले बढेर १ हजार ७ सय ६४ रुपैयाँ ६० पैसा पुगेको छ।
यस्तै, शुभम पावरको सेयर भाउ ५१ रुपैयाँ ६० पैसाले बढेर ५ सय ६७ रुपैयाँ ६० पैसा पुगेको छ। मार्केड डेप्थमा हेर्दा कम्पनीको सेयर बिक्री भन्दा खरिद माग अधिक रहेको छ।
प्रतिक्रिया
Facebook Comment