काठमाडौं। देशका छुट्टाछुट्टै स्थानमा तीन जनाको शव फेला परेको छ।

सप्तरीको सप्तकोशी नगरपालिका-१ स्थित त्रियुगा खोलामा हाल नाम, थर र वतन नखुलेका अन्दाजी ५५ वर्षीय पुरूष शुक्रबार मृत अवस्थामा फेला परेका छन्।

मोरङको पथरी शनिश्चरे नगरपालिका-३ मुक्ति चोक बस्ने ७२ वर्षीय पुर्ण बहादुर खोक्लिङ आफ्नै घर नजिकै रहेको खोलामा शुक्रबार मृत अवस्थामा फेला परेका छन्।

महोत्तरीको बर्दिबास नगरपालिका-१ ग्लोबल स्कुल अगाडि रहेको कल्भर्टमा हाल नाम, थर र वतन नखुलेकी अन्दाजी ४० वर्षीया महिला शनिबार मृत अवस्थामा फेला परेकी छिन्।

यस सम्बन्धमा प्रहरीले आवश्यक अनुसन्धान गरिरहेको जनाएको छ।