काठमाडौं। नेपाल बैंकले शुक्रबार (पुस २ गते) वार्षिक साधारण सभा बस्ने भएको छ । सभा बैंकको प्रधान कार्यालय धर्मपथ, काठमाडौंमा बिहान ११ बजे बस्ने भएको छ ।

सभामा बैंकले १४ प्रतिशत बोनस सेयर र करसहित ४ प्रतिशत नगद लाभांश दिने प्रस्ताव पेश गर्ने भएको छ । साथै, बैंकले गत आर्थिक वर्षको वार्षिक प्रतिवेदन, नाफानोक्सान तथा नगद प्रवाह विवरणमा छलफल गरी पारित गर्ने प्रस्ताव पनि रहेको छ ।

बैंकले सभा प्रयोजनका लागि मंसिर २१ गते बुक क्लोज गरेको छ । यस अनुसार, मंसिर २० गतेसम्म कायम सेयरधनीहरुले मात्र सभामा सहभागी हुन र लाभांश सुरक्षित गर्न सक्नेछन् ।