काठमाडौँ। नेपाल राष्ट्र बैंकले २० अर्ब बराबरको रिपो जारी गर्ने भएको छ। राष्ट्र बैंकले १४ दिने रिपो जारी गर्न लागेको हो।

बैंक तथा वित्तीय प्रणालीमा लगानीयोग्य रकम अभाव हुन नदिन केन्द्रीय बैंकले रिपो जारी गर्न लागेको हो । वाणिज्य बैंक, विकास बैंक र वित्तीय संस्थाले फागुन २६ गते परिपक्व हुने रिपो आज दिउँसो ३ बजे बोलकबोलमार्फत खरिद गर्न सक्नेछन्।

बोलकबोलमा इजाजतप्राप्त क, ख र ग वर्गका स्वीकृतप्राप्त बैंक तथा वित्तीय संस्थाले भाग लिन पाउने केन्द्रीय बैंकले जनाएको छ ।