काठमाडौँ। नेपाल राष्ट्र बैंकले ११ अर्ब ८३ करोड रूपैयाँ बराबरको ट्रेजरी बिल बिक्री गर्ने भएको छ । केन्द्रीय बैंकले ९१ दिन, १८२ दिन र ३६४ दिनको लागि ट्रेजरी बिल बिक्री गर्न लागेको हो।

राष्ट्र बैंकले ९१ दिनको लागि ५ अर्ब ५३ करोड रुपैयाँ, १८२ दिनको लागि ४ अर्ब ३० करोड रुपैयाँ र ३६४ दिनको लागि २ अर्ब रुपैयाँबराबरको ट्रेजरी बिल बोलकबोल प्रक्रियाबाट बिक्री गर्न लागेको हो।

ट्रेजरीको बोलकबोल साेमबार दिउँसो ३ बजे अनलाइनमार्फत् खुला हुनेछ। ९१ दिने ट्रेजरी २०७९ असार ७ गते परिपक्व हुनेछ, १८२ दिने २०७९ असोज ४ गते परिपक्व हुनेछ भने ३६४ दिने ट्रेजरी २०७९ चैत ७ गते परिपक्व हुने राष्ट्र बैंकले जनाएको छ ।

बोलकबोलमा सहभागी हुने क, ख र ग वर्गका बैंक, अन्य वित्तीय संस्था, गैरबैंक तथा वित्तीय संस्थालगायतलाई राष्ट्र बैंकले मंगलबार ट्रेजरी बिल जारी गर्नेछ। राष्ट्र बैंकले सरकारलाई आवश्यक पर्ने अल्पकालीन ऋण उठाउन बोलकबोल प्रक्रियामार्फत् ऋणपत्र बिक्री गर्ने गर्दछ।