काठमाडौँ।  नेपाल राष्ट्र बैंकले १५ अर्व २५ करोड रुपैयाँ बराबरको ट्रेजरी बिल जारी गर्ने भएको छ। बैंकले एक सूचना जारी गर्दै ९१ दिन, १८२ दिन र ३६० दिनको लागि ट्रेजरी बिल जारी गर्न लागेको हो।

बैंकले ९१ दिनका लागि ८ अर्ब रुपैयाँको ट्रेजरी बिल जारी गर्नेछ। यो ट्रेजरी २०७९ साल असार २८ गते परिपक्व हुनेछ। यस्तै, १८२ दिनका लागि २ अर्ब २५ करोड रुपैयाँको ट्रेजरी बिल जारी गर्नेछ। यो ट्रेजरी बिल २०७९ साल असोज २५ गते परिपक्व हुनेछ। यसैगरी बैंकले ३६४ दिने ५ अर्ब रुपैयाँको ट्रेजरी बिल जारी गर्नेछ। यो ट्रेजरी बिल २०७९ चैत २१ गते परिपक्व हुनेछन्।

ट्रेजरीको बोलकबोल साेमबार दिउँसो ३ बजे अनलाइनमार्फत खुला हुनेछ। बोलकबोलमा सहभागी हुने क, ख र ग वर्गका बैंक, अन्य वित्तीय संस्था, गैरबैंक तथा वित्तीय संस्थालगायतलाई राष्ट्र बैंकले मंगलबार ट्रेजरी बिल जारी गर्नेछ। राष्ट्र बैंकले सरकारलाई आवश्यक पर्ने अल्पकालीन ऋण उठाउन बोलकबोल प्रक्रियामार्फत् ऋणपत्र बिक्री गर्ने गर्दछ।