काठमाडौं । श्रीलंकाको स्थिति लगातार बिग्रँदै गएको छ र अहिले प्रदर्शनकारी राष्ट्रपति भवन पुगेका छन् । शनिबार स्थिति बिग्रिएपछि कोलम्बोलगायत अन्य सहरमा पनि यसको प्रभाव देखिन थालेको छ । गालेमा अहिले अस्ट्रेलिया र श्रीलंकाको टेस्ट म्याच चलिरहेको बेला प्रदर्शनकारीहरु स्टेडियम बाहिर पुगेका थिए ।

The intensity is really picking up with the protests outside the Galle International Stadium right now. Incredible scenes and a surreal backdrop to the Test match underway only a couple of hundred meters away #SLvAus pic.twitter.com/D46ziJeREF

— Bharat Sundaresan (@beastieboy07) July 9, 2022

शनिबार ठूलो संख्यामा प्रदर्शनकारीहरू गाले आइपुगे र स्टेडियम बाहिर र भित्र पोस्टरहरू हल्लाउँदै आफ्नो आवाज उठाए। तर, यसले खेलमा कुनै असर गरेन र दुई टोलीबीचको खेल यसरी नै जारी रह्यो ।

गालेको स्टेडियम नजिकैको किल्लामा खेलको समयमा चढ्न निषेध गरिएको छ। तर यही क्रममा प्रदर्शनकारीहरू यहाँ पुगे र उनीहरूले यहीँबाटै पोस्टर हल्लाए । हजारौं प्रदर्शनकारीले स्टेडियम बाहिर पनि नाराबाजी गरेका थिए ।

श्रीलंकाका विभिन्न शहरहरूमा प्रदर्शनकारीहरूको भीड जम्मा भइरहेको छ र अहिले धेरै सेलिब्रेटीहरू यसमा सामेल हुन थालेका छन्। श्रीलंकाका पूर्व क्रिकेटर सनथ जयसूर्या पनि सडकमा उत्रिएका छन् । सनथ जयसूर्या पनि कोलम्बोको राष्ट्रपति भवन नजिक पुगेका छन् जहाँ प्रदर्शनकारीको भीड छ ।

श्रीलंका र अस्ट्रेलियाबीचको टेस्ट म्याच गालेमा चलिरहेको छ । अष्ट्रेलियाले यहाँ आफ्नो पहिलो इनिङ्समा ३६४ रन बनाएको थियो जसमा स्टिभ स्मिथको १४५ र मार्नस लाबुस्चेनले १०४ रन बनाएका थिए।

Crowd swelling, they’re on the march past the ground and in the direction of the other group at the train station. pic.twitter.com/0qx9Jrx9l4

— Adam Collins (@collinsadam) July 9, 2022