काठमाडौं । रुसी राष्ट्रपति भ्लादिमिर पुटिन र टर्कीका राष्ट्रपति रेसेप तैयप एर्दोगान शिखर वार्ताका लागि आज तेहरान पुगेका छन् । यसलाई महत्वपूर्ण भ्रमणका रुपमा लिइएको छ ।

तेहरानमा उनले इरानी समकक्षी इब्राहिम रइसी र टर्कीका राष्ट्रपति रेसेप तैयप एर्दोगानसँग सिरिया शान्ति शिखर सम्मेलनमा भाग लिनेछन्।

युक्रेनमा भएको आक्रमणपछि राष्ट्रपति पुटिनको यो दोस्रो विदेश भ्रमण हो, जसले रुस र इरानबीच बढ्दो कूटनीतिक न्यानोपनलाई झल्काउँछ।

इरान र रुस दुवैले पश्चिमी प्रतिबन्धको सामना गरिरहेका छन्।

बेलायतस्थित इरानी पत्रकार मेहदी अली याजदानीका अनुसार पुटिनको भ्रमणको महत्वपूर्ण एजेण्डा इरानबाट सशस्त्र ड्रोन खरिद गर्ने पनि हो ।

सायद यसै कारणले सोमबार अमेरिकाले तेहरानले रुसलाई सयौं ड्रोन पठाउने तयारी गरिरहेको दाबी गरेको थियो ।