काठमाडौं । इरान र टर्कीसँग वार्ता गर्न इरानको राजधानी तेहरान पुगेका रुसी राष्ट्रपति भ्लादिमिर पुटिनले टर्कीका राष्ट्रपति रेसेप तैयप एर्दोगानका कारण मंगलबार असहज परिस्थितिको सामना गर्नु परेको छ ।

दुई नेताबीच भएको भेटको भिडियो सामाजिक सञ्जालमा भाइरल भएको छ । एक भिडियोमा रुसी राष्ट्रपति पुटिन राष्ट्रपति एर्दोगानको लागि झण्डै एक मिनेट पर्खिरहेका देखिएका छन् ।

पुटिनले त्यस्तो अवस्थाको अपेक्षा नगरेको हुनसक्छ, तर उनको आगमनको केही सेकेन्डपछि एर्दोआन पनि त्यहाँ पुगेर उनलाई भेट्ने अपेक्षा गरिएको थियो । तर, यो हुन सकेको छैन । करिब एक मिनेटपछि एर्दोआन त्यहाँ पुगे ।

यस क्रममा पुटिनले यताउता हेर्दै, खुट्टा हल्लाएको र आफूलाई व्यस्त राख्न आफ्नो पोजिसन परिवर्तन गरेको देखियो ।

Those 50 seconds that Erdogan made Putin wait, looking frazzled in-front of cameras say plenty of how much has changed after Ukraine: pic.twitter.com/giGirqaYYP

— Joyce Karam (@Joyce_Karam) July 19, 2022

यसअघि सन् २०२० मा मस्कोमा भएको भेटमा पुटिनले एर्दोगानलाई लामो समयसम्म पर्खन लगाएका थिए । उक्त घटनालाई ध्यानमा राखेर एर्दोआनले बदलामा त्यसै गरेको हुनुपर्छ भनेर मानिसहरूले सामाजिक सञ्जालमा भनिरहेका छन्।

जे होस्, रुसी राष्ट्रपति पुटिन विश्वका धेरै नेताहरूलाई पर्खाइ राख्नका लागि परिचित छन्। पटकपटक वार्ताको समय तोकिए पनि त्यसको केही घण्टापछि मात्रै सुरु भएको छ ।

यो घटनापछि सामाजिक सञ्जाल ट्वीटरमा मानिसहरुले विभिन्न तरिकाले आफ्नो धारणा व्यक्त गरिरहेका छन् ।

द नेशनल न्युजका वरिष्ठ पत्रकार जोयस करमले लेखे, “एर्दोगानको प्रतिक्षाको ती ५० सेकेन्डले युक्रेन आक्रमणपछिको अवस्था कस्तो परिवर्तन भएको छ भन्ने समस्यामा परेका पुटिनलाई क्यामेराको अगाडि देखे।”

वाइस न्यूजका एलेक लुनले ट्वीट गरे: “एर्डोनले पुटिनलाई आफ्नै औषधिको स्वाद चाख्न लगाउँछन्।”

जबकि ड्यानियल स्मिथले लेखे, “वर्षौं नियमित रूपमा अन्य नेताहरूलाई उनको लागि पर्खने बनाएपछि, पुटिन आफैं खडा भएर एर्दोगानको प्रतीक्षा गर्न बाध्य भए!”