काठमाडौं । म्यानमारको सागिङ क्षेत्रको कानबालु सहर नजिकैको एउटा गाउँमा १८ जनाको शव फेला परेको र ४०० घर जलाइएको बीबीसीको बर्मी सेवाले जनाएको छ।

स्थानीय सञ्चारमाध्यमका अनुसार उत्तरपश्चिमी सागाइङ क्षेत्रमा गत वर्षको सैनिक विद्रोहको विरोध गरिरहेका मानिसहरूसँग सैन्य लडाइँ तीव्र भएको छ।

एएफपी समाचार एजेन्सीले रिपोर्ट गरेको छ, म्यानमारको सेनाले विद्रोह विरोधी मानिसहरूको स्थानीय संगठन पिपुल्स डिफेन्स फोर्स (पीडीएफ) को कडा प्रतिरोधको सामना गरिरहेको छ।

सु गाउँका एक व्यक्तिले एएफपीलाई जुलाई १८ मा दुईवटा हेलिकप्टरले सेनालाई अवतरण गरेको बताए। गाउँका बाँकी सय जनालाई सेनाले बन्दी बनायो। ती व्यक्तिले नाम नखुलाउने सर्तमा बोल्दै पक्राउ गरिएकामध्ये वृद्धवृद्धा पनि रहेकाले भोलिपल्ट रिहा भएको र कैयौँ युवा अझै पनि बन्दी रहेको बताए ।

गाउँका अर्का एक व्यक्तिले भने कि सेना जुलाई २० मा गएको थियो, त्यसपछि गाउँलेहरूले त्यहाँ धेरै शवहरू फेला पारे। उनले भने, ‘जंगलमा जङ्गली जनावरको खोजीमा गएँ, हात बाँधिएका नौवटा जलेको शव देखेँ ।

अर्का गाउँलेले अहिलेसम्म १० शव फेला परेको र तीमध्ये नौ जनाको परिवारले पहिचान गरेको बताए । गाउँबाट कम्तीमा ३० जना अझै बेपत्ता छन् ।

समाचार एजेन्सी एएफपीले स्वतन्त्र स्रोतबाट यी दाबीहरूको पुष्टि गर्न सकेको छैन। यी घटनाहरूमा म्यानमारको सैन्य सरकारबाट कुनै प्रतिक्रिया आएको छैन। यो घटना भएको ठाउँमा झण्डै एक हजार छन्, जसमध्ये आधा मुस्लिम परिवारका छन्।