काठमाडौँ। प्रुडेन्सियल इन्स्योरेन्स कम्पनीको लाभांश संशोधन भएको छ। नेपाल बीमा प्राधिकरणको निर्देशनमा कम्पनीले लाभांश संशोधन गरेको हो।

अव कम्पनीले आफ्नो सेयरधनीलाई लाभांश संशोधन गरेर ३.३२५ प्रतिशत बोनस सेयर र बोनसमा लाग्ने कर तिर्न ०.१७५ प्रतिशत नगद लाभांश दिने भएको छ। गत पुस १८ गते बसेको सञ्चालक समितिको बैंठकले आर्थिक वर्ष ०७८/७९ को मुनाफाबाट आफ्नो सेयरधनीलाई ६.५ प्रतिशत बोनस सेयर र ०.३४२ प्रतिशत नगद लाभांश दिने प्रस्ताव गरेको थियो।

प्रस्तावित लाभांश अब कम्पनीको आगामी वार्षिक साधारणसभाबाट अनुमोदन भएपछि सेयरधनीहरुले पाउनेछन्।