काठमाडौं। नेपाली कांग्रेसका पूर्वसभापति शेरबहादुर देउवाले १५औं महाधिवेशन प्रक्रिया रोक्न मागसहित सर्वोच्च अदालतमा रिट पेश गरेका छन्।

देउवाले वारेसमार्फत सर्वोच्चमा रिट पेस गरेपनि आज दर्ता भने नभएको बताइएको छ। सर्वोच्च प्रशासनले वारेसमार्फत प्राप्त निवेदन अध्ययनको क्रममा रहेको छ। अब भोली र पर्सि सार्वजनिक बिदा भएका रिट दर्ता हुने नहुने निर्णय सोमबार मात्र हुने बताइएको छ।

कांग्रेसको विवाद सर्वोच्च अदालतमा रहेकै समयमा संस्थापन पक्षले वडा अधिवेशन २६ भदौबाट गर्दै असोज १६ देखि १९ गतेसम्म काठमाडौंमा केन्द्रीय महाधिवेशन गर्ने कार्यतालिका सार्बजनिक गरेर महाधिवेशनको प्रक्रिया शुरु गरेपछि संस्थापन इतर पक्ष पुन: सर्वोच्च पुगेको छ।

सर्वोच्च अदालतले कांग्रेस विवादबारे पुनरावलोकनका लागि साउन २१ मा आदेश दिएपछि सो मुद्दाको सुनुवाई हुन बाँकी रहेको छ।