काठमाडौं । नेपाली कांग्रेसको १५औँ महाधिवेशनअन्तर्गत महिला खुला केन्द्रीय सदस्य पदमा वासना थापाले अग्रता लिएकी छन्। पछिल्लो मतपरिणामअनुसार थापाले ३ हजार ४८४ मत प्राप्त गरेकी छन्।

मतपरिणामअनुसार उर्मिला थपलिया २ हजार ६४७ मतसहित दोस्रो र निमा गिरी २ हजार ६२० मतसहित तेस्रो स्थानमा छन्। त्यसैगरी, कुसुमदेवी थापाले २ हजार १२९, धनाकुमारी खतिवडाले २ हजार १२५, अनिता देवकोटाले १ हजार ९३० र विनिता खड्काले १ हजार ८९२ मत प्राप्त गरेका छन्।

लक्ष्मी पाण्डेले १ हजार ७७२, सृजना अधिकारीले १ हजार ७६२, मुना भुसालले १ हजार ६३२, चिनी पोखरेल (चिनु) ले १ हजार ५६४ र रिता थापा मगरले १ हजार ५१० मत पाएका छन्।

उपलब्ध मतपरिणामअनुसार महिला खुला केन्द्रीय सदस्य पदका ३४ जना उम्मेदवारको मत विवरण सार्वजनिक भएको छ। मतगणनामा १२ मत बदर भएको उल्लेख छ।

कसले कति मत प्राप्त गरे हेर्नुहोस् सूची