काठमाडौं। कोरोनाभाइरसको उत्पत्तिसम्बन्धी अध्ययनका क्रममा यो भाइरसको गत वर्ष २०१९ को मार्चमै स्पेनको बार्सिलोनामा पहिचान गरिएको पाइएको छ । यो अनुसन्धान कुनै जर्नलमा प्रकाशित भइसकेको छैन तर वैज्ञानिकहरुले मार्च २०१९ मा स्पेनको बार्सिलोनामा फोहर पानीमा यो भाइरस भेटिएको पत्ता लगाएका छन् । अध्ययनमा चीनको वुहानमा कोरोनाभाइरस भेटिनुभन्दा पहिल्यै स्पेनमा यो भाइरस पाइएको उल्लेख छ ।