पाँचौ खेलमा वेस्ट इण्डिजमा महँगा बने सन्दीप
काठमडौं ।वेस्ट इण्डिजको क्याराबियन प्रिमियर लिग९सीपीएल० खेलिरहेका नेपाली युवा लेग स्पिनर सन्दीप लामिछाने पाँचौ खेलमा महँगा बनेका छन्।
आइतबार विहान भएको खेलमा बार्बाडोस त्रिडेन्टविरुद्ध ४ ओभर बलिङ गरेका सन्दीपले ४३ रन खर्चे। सो क्रममा उनले ३ चौका र ३ छक्का खाएका थिए भने कुनै विकेट लिन सकेनन्।
यसअघि भएका सुरुवाती चार खेलमा सन्दीपले ७ विकेट लिइसकेका छन्। चौथो खेलमा सन्दीपले अस्ट्रेलियाका दिग्गज खेलाडी डेविड वार्नरको विकेट लिएका थिए।
सन्दीप महँगा भएपनि उनको टोली सेन्ट किट्स एण्ड निभिस प्याट्रियोट्स ६ विकेटले विजयी भएको छ।
बार्बाडोसले दिएको १ सय ४७ रनको लक्ष्य प्याट्रियोट्सले १८।५ ओभरमा ४ विकेट गुमाएर भेटाएको थियो।
प्रतिक्रिया
Facebook Comment