काठमाडौं। निवर्तमान सभामुख कृष्णबहादुर महरामाथि बलात्कारको आरोप लगाउने महिला अहिले अचानक महराको बचाउमा आक्रामक रुपमा उत्रिएकी छिन् । संघीय संसद सचिवालयमा कार्यरत महिला कर्मचारी रोशनी शाहीले यो प्रकरणमा महरा निर्दोष रहेको भन्दै सामाजिक संजाल फेसबुकमा लगातार पोस्ट गरिरहेकी छिन् । अचानक यु–टर्न भएकी रोशनीले आफूलाई बाध्य पारेर यस्तो बोल्न लगाइएको आरोप लगाएकी छिन् ।

शाहीले आफ्नो भिडियो अन्तरवार्तासहित समाचार ब्रेक गर्ने पत्रकार अजयबाबु शिवाकोटीलाई आफूलाई बाध्य पारेर त्यस्तो बोल्न लगाइएको गम्भीर आरोप लगाउँदै उनलाई तथानाम गालीसमेत गरेकी छिन् । त्यतिमात्रै होइन, शाहीले सत्तारुढ दल नेपाल कम्युनिष्ट पार्टीका संसदीय सदलका उपनेता सुवासचन्द्र नेम्वाङलाई पनि कारबाही गर्न माग गरेकी छिन् । उनले फेसबुकमा एक स्टाटस लेख्दै भनेकी छिन्, ‘बहुविवाह गर्ने उपनेतालाई पनि कारबाही हुनुपर्छ । न्याय दुवैलाई समान हुनुपर्छ ।’

नेम्वाङले महराले राजीनामा दिएपछि केही मिडियामा अब संसदले महरालाई नचिन्ने बताएका थिए । उनले राजीनामा दिएपछि सांसद पद पनि स्वतः निलम्बन हुने बताएका थिए । शाहीले नेम्वाङले बोलेका उक्त कुराको मिडिया कभरेज शेयर गर्दै त्यसमै जवाफ फर्काएकी छिन् । हेर्नुहोस् रोशनीले लगातार पोस्ट गरेका फेसबुक स्टाटसहरु –