काठमाडौं । प्रधानमन्त्री केपी शर्मा ओलीले नवनियुक्त राष्ट्रिय क्रिकेट टोलीका कप्तान ज्ञानेन्द्र मल्ललाई बधाइ दिएका छन् ।

बुधबार कप्तानमा नियुक्त भएका मल्ललाई प्रधानमन्त्री ओलीले आज शुक्रबार बधाइ दिएका हुन् । ट्वीटमार्फत् शुभकामना दिएका ओलीले मल्लको नेतृत्वमा नेपाली क्रिकेटले नयाँ उचाइ प्राप्त गर्ने विश्वास व्यक्त गरेका छन् ।

नेपाली क्रिकेट टोलीको कप्तान छानिनु भएकोमा
ज्ञानेन्द्र मल्ललाई हार्दिक बधाई दिन चाहन्छु । उहाँको नेतृत्वमा नेपाली क्रिकेटले नयाँ उचाई प्राप्त गर्ने विश्वास सहित शुभकामना व्यक्त गर्दछु ।

— KP Sharma Oli (@PM_Nepal) November 1, 2019

मल्ल बुधबार कप्तान नियुक्त भएका थिए तर सोही दिन बिहान ९ बजे प्रधानमन्त्री स्वास्थ्य उपचारका लागि ग्राण्डी अस्पताल पुगेका थिए । अस्पतालमा भर्ना भएका कारण प्रधानमन्त्रीले तत्कालै बधाइ दिन पाएका थिएनन् । बिहीबार राती मात्र अस्पतालबाट डिस्चार्ज भएका प्रधानमन्त्रीले शुक्रबार मात्र कप्तानलाई बधाइ दिएका हुन् ।