भारतीय सञ्चार माध्यमलाई प्रधानमन्त्री ओलीको अन्तर्वार्ता (लाइभ भिडियो)
काठमाडौं। प्रधानमन्त्री केपी शर्मा ओलीले भारतीय सञ्चार माध्यमलाई अन्तर्वार्ता दिएका छन्। प्रधानमन्त्री ओलीले भारतीय न्यूज च्यान जी न्यूजका लागि अन्तर्वार्ता दिएका छन्। जी न्यूजका सम्पादक सुधीर चौधरीसँग प्रधानमन्त्री ओली हिन्दी भाषामै अन्तर्वार्ता दिएका छन्।
प्रधानमन्त्री ओलीले भारतीय सञ्चार माध्यमलाई यस्तो बेला अन्तर्वार्ता दिएका छन् जतिबेला नेपालमा राजनीतिक संकट बढेको छ। प्रतिनिधिसभा विघटनपछि देशमा राजनीतिक अन्यौलता बढेको छ। प्रतिनिधिसभा विघटनविरुद्ध सर्वोच्च अदालतमा चुनौती दिइएको छ भने सडकमा पनि विरोध भइरहेको छ। सत्तारुढ दल नेकपा यतिबेला दुई गुटमा विभाजित भइसकेको छ। र परराष्ट्रमन्त्री प्रदीपकुमार ज्ञवालीको भारत भ्रमणको मिति तय भइसकेको छ।
चौधरी ती व्यक्ति हुन जसले नेपालले नयाँ नक्शा जारी गरेपछि नेपाल चीनको उकसाउमा लागेको बताएका थिए। त्यतिमात्र होइन आदिकवि भानुक्त आचार्यको जन्मजयन्तीका अवसरमा प्रधानमन्त्री ओलीले भगवान रामको जन्म भारतमा नभई नेपालमा भएको बताएपछि त्यसलाई पनि चौधरीले प्रधानमन्त्री ओली चीनको इसारामा चलेको बताएका थिए।
केही दिन आगाडि काठमाडौं आएर चौधरीले अन्तर्वार्ता रेकर्ड गरेका थिए।
Facebook Comment