काठमाडौं । पछिल्लो २४ घण्टामा १६७ जना कोरोना भाइरसका सङ्क्रमित थपिएका छन् । ४ हजार २८३ जनामा पीसीआर परीक्षण गरिएकोमा १५७ जनामा र २ हजार १६४ जनामा एन्टीजेन परीक्षण गर्दा १० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

नेपालमा कोरोना सङ्क्रमणमुक्त हुने दर ९८ प्रतिशत रहेको छ । यसैगरी, पछिल्लो २४ घण्टामा २२६ जना कोरोना मुक्त भएको स्वास्थ्य मन्त्रालयले जनाएको छ । सोही अवधिमा १ जना सङ्क्रमितको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५८३ पुगेको छ ।

यसैगरी देशमा हालसम्म ४ हजार ९७८ जना सक्रिय सङ्क्रमित रहेका छन् ।