हवाइजहाजमा पनि पाकेटमार ! उडिरहेको विमानभित्रै साढे १३ लाख रुपैयाँ पाकेट मारियो
काठमाडौं । अमेरिकन एयरलाइन्समा यात्रा गरिरहेका एक यात्रुले फ्लाइटभित्रै आफू वरपर बसेका दुईजनाको पैसा चोरेका छन् । उनी यतिमै रोकिएनन्, उनले दुईवटा क्रेडिट कार्ड पनि चोरे । यो अमेरिकन एयरलाइन्सको विमान ब्यूनस आयर्सबाट मियामी जाँदै थियो।
‘डेलीमेल’को रिपोर्टका अनुसार यी अभियुक्तले दुई सहयात्रीबाट १० हजार डलर (१२ लाख रुपैयाँ) भन्दा धेरै पैसा चोरेका थिए । आरोपित व्यक्तिको नाम डिएगो सेबास्टियन रेडियो हो। जब अमेरिकन एयरलाइन्सको फ्लाइट एए फ्लाइट ९०० मियामीमा अवतरण भयो, भन्सार र सीमा सुरक्षा (सीबीपी) अधिकारीहरूले उनलाई पक्राउ गरे। उनीसँग सोधपुछ गरिएको थियो ।
American Airlines passenger ‘steals more than $10,000 in cash and two credit cards’ from two fellow travelers sitting near him https://t.co/eyfsXDMCV0
— Daily Mail US (@DailyMail) July 7, 2022
एयरलाइन्सका कर्मचारीहरूले यात्रुको रेडियोको व्यवहार उडानका क्रममा लगातार शङ्कास्पद रहेको बताए। उनी बारम्बार आफ्नो सिटबाट उठिरहेका थिए । केही समय उनी अर्कैको सिटमा पनि बसे । त्यही क्रममा उनको हातमा महिलाको पर्स पनि देखियो ।
मियामी उडानमा आइपुग्दा रेडियोको झोलाको खोजी गर्दा उनीबाट १० हजार ७३२ डलर फेला परेको थियो। दुईवटा क्रेडिट कार्ड पनि थिए । ब्यूनस आयर्सबाट मियामीको उडानमा पुग्न साढे नौ घण्टा लाग्यो। यस क्रममा विमानभित्र रेडियो निरन्तर यताउता गरिरहेका थिए ।
जब रेडियोले यो अपराध गरेका थिए, उडान आकाशमा थियो। उडान मियामी पुग्ने बित्तिकै उडान कर्मचारीले अधिकारीहरूलाई यस विषयमा जानकारी गराएका थिए। त्यसपछि आरोपी रेडियो पक्राउ परेका थिए ।
Facebook Comment