काठमाडौं । इमरान खानको पार्टी पीटीआईले पाकिस्तानको राजनीतिमा ठूलो परिवर्तन ल्याएको छ र पञ्जाब प्रान्तमा सरकार बनाउनेतर्फ अघि बढेको छ ।

पञ्जाब विधानसभाको उपचुनावमा पीटीआईले २० मध्ये १५ सिट जितेको छ । पीएमएल–क्युले चार सिट जितेको छ । र एक सिट स्वतन्त्र विधायकले जितेका छन् ।

यसपछि पञ्जाब विधानसभामा पीटीआईका विधायकको संख्या १८८ पुगेको छ भने बहुमतका लागि १८६ विधायक मात्र आवश्यक छ ।

यस्तो अवस्थामा पञ्जाबमा पीटीआईको सरकार बनाउने निर्णय भएको छ र जुलाई २२ मा चौधरी परवेज इलाही पञ्जाबको नयाँ मुख्यमन्त्री बन्न सक्छन्।

यो जितपछि इमरान खानले ट्वीटरमा लेखेका छन् कि अब निष्पक्ष चुनाव गर्न आवश्यक छ, निष्पक्ष चुनाव बाहेक कुनै पनि कदमले राजनीतिक अस्थिरता र आर्थिक अराजकता ल्याउनेछ।

यसअघि राष्ट्रिय सभामा विश्वासको मत गुमाएपछि इमरान खान सत्ताबाट हटेका थिए । र पञ्जाब प्रान्तमा पनि वर्तमान प्रधानमन्त्री शाहबाज शरीफका छोराले पञ्जाबको मुख्यमन्त्रीको रूपमा शपथ लिएका छन्।

तर यो जितसँगै पाकिस्तानको राजनीतिमा इमरान खान निकै बलियो बनेका छन् । आगामी दिनमा प्रभावशाली प्रान्त पञ्जाबमा सरकार बनाएर उनको राजनीतिक हैसियत निकै बढ्नेछ ।