काठमाडौं । फ्रान्सेली राष्ट्रपति इमानुएल म्याक्रोनले बिहीबार पेरिसमा साउदी अरेबियाका युवराज मोहम्मद बिन सलमानलाई भेट्न जाँदैछन्।

समाचार एजेन्सी एएफपीको रिपोर्टका अनुसार फ्रान्सका राष्ट्रपति इमानुएल म्याक्रोन युवराजको भ्रमणलाई लिएर आलोचकको निशानामा छन्। आलोचकहरूले साउदी एजेन्टहरूको हातबाट जमाल खशोग्गीको हत्या भएको चार वर्ष पनि नपुगेको र युवराजलाई फ्रान्स भ्रमणको निम्तो दिनु अनुचित भएको बताएका छन्।

म्याक्रोन र मोहम्मद बिन सलमानबीचको भेटलाई साउदी अरेबियाको ‘डि-फ्याक्टो शासक’ को अन्तर्राष्ट्रिय फोरमहरूमा स्वीकृति बढाउनको लागि पछिल्लो कदमको रूपमा हेरिएको छ। हालै साउदी अरबको भ्रमणका क्रममा अमेरिकी राष्ट्रपति जो बाइडेनले युवराजलाई भेटेका थिए ।

दुई नेताबीचको भेटमा ऊर्जा आपूर्ति र इरानको आणविक कार्यक्रमका विषयमा छलफल हुने विश्वास गरिएको छ । युक्रेनमा रुसको आक्रमण र इरानसँग साउदी अरेबियाको पुरानो झगडापछि युरोपमा ऊर्जा आपूर्तिको मुद्दा चिन्ताको विषय बनेको छ ।

साउदी अरेबियाका युवराज ग्रीसको भ्रमण सकेर फ्रान्स पुगेका छन् । एम्नेस्टी इन्टरनेशनलका महासचिव एग्नेस कालामार्डले भने: “म यस भ्रमणको बारेमा गम्भीर रूपमा चिन्तित छु किनभने यसले हाम्रो संसारमा के अर्थ राख्छ र यसले जमाल खशोग्गी र उनी जस्ता अरूलाई के सन्देश दिन्छ।”