काठमाडौं । आकाशमा उडिरहेको विमान र त्यसको छतमा उभिएकी ९३ वर्षीया महिला। यो दृश्य देख्ने जो कोही छक्क परे । सामाजिक सञ्जालमा एक महिलाको अचम्मको भिडियो भाइरल भइरहेको छ । भिडियोमा महिला उडिरहेको फ्लाइटको माथि उभिएको देख्न सकिन्छ ।

तर, ९३ वर्षीया बेट्टी ब्रोमेजले यस्तो उपलब्धि हासिल गरेको यो पहिलो पटक भने होइन । यसअघि उनले चार पटक यस्तो गरिसकेकी छिन् । बेलायतकी ब्रोमेजले भर्खरै हाई-फ्लाइङ च्यालेन्जको एक भागको रूपमा विंग वाकरको रूपमा आफ्नो पाँचौं उडान पूरा गरिन् ।

उनको यो भिडियो बीबीसी ग्लुसेस्टरशायरले फेसबुकमा शेयर गरेको छ । जहाँ यो भिडियो हजारौं पटक हेरिएको छ । भिडियोमा बेट्टी ब्रोमेज उडिरहेको विमानको माथि उभिएको देखाइएको छ। हावामा डुबुल्की मार्दै केही मिनेटमा विमान अवतरण हुन्छ। ब्रोमेजले बलियो हावाको बीचमा आफूलाई अडिग राखिन् । तर, यस अवधिमा उनले सबै सुरक्षा प्रोटोकलहरू पालना गरेकी थिइन्।

भिडियोमा बेट्टी ब्रोमेजलाई ‘यो अचम्मको अनुभव हो’ भन्दै गरेको सुनिन सकिन्छ। ब्रोमेज भन्छिन्- मलाई रमाइलो लाग्यो। यो धेरै रोमाञ्चक र फरक अनुभव थियो। उडानका पाइलट ब्रायन कोर्न भन्छन् कि मलाई थाहा छैन को बढी डराएको थियो – म वा ब्रोमेज? ब्रोमेज साँच्चै एक अद्भुत महिला हुन्। ‘द इन्डिपेन्डेन्ट’को रिपोर्टका अनुसार सबै शारीरिक कठिनाइका बाबजुद ब्रोमेजले परोपकारका लागि रकम जुटाउन यो काम गरेकी हुन् ।