काठमाडौं । १५ वर्षका किशोर नदीमा नुहाउन गएका थिए । नुहाउने क्रममा अचानक उनको खुट्टा चिप्लियो । वास्तवमा उनको खुट्टामुनि बन्दुक आएको थियो । त्यसपछि उनीसँगै गएका अन्य व्यक्तिले पनि पानीमा खोजी गरेपछि हतियारको भण्डार भेटियो । खोलाको पानीमा मेसिन गन पनि भेटियो । त्यसपछि प्रहरीले नदीमा हतियार खोज्न थाल्यो ।

घटना बेलायतको लण्डनको हो जहाँ १५ वर्षीय जेम्स ह्वाइट गर्मीका कारण आफ्ना साथी र परिवारसँग नदीमा नुहाउन गएका थिए । तर नुहाउने क्रममा नदीमुनिबाट धेरै हतियार भेटिए, जुन देखेर सबै छक्क परे ।

डेली मेलको रिपोर्टका अनुसार जेम्सको खुट्टा अचानक खोलामा चिप्लिएको थियो । जब उनले तल हेरे, उनले आफ्नो खुट्टा बन्दुक र म्यागजिनमा परेको पाए। उनले आफ्ना सहकर्मीहरूलाई यसबारे बताए र सबैले अनुसन्धान गरे। यसपछि उनीहरूले पानीबाट एकपछि अर्को गरी ११ वटा बन्दुक प्राप्त गरे ।

यी हतियारहरूमा उजी सबमेसिन गन बाहेक म्यागजिन र गोलाबारुद पनि भेटिएको बताइएको छ । यो देखेर जेम्स लगायत उनका अन्य साथीहरु आत्तिए र के गर्ने उनीहरुले बुझेनन् । जेम्स ह्वाइटले भने कि यो यात्रा उनको लागि ‘दुःस्वप्न’ जस्तै भएको छ, किनकि उनलाई थाहा थिएन कि हामी यति ठूलो मात्रामा विस्फोटक पाउँछौं।

जेम्ससँगै घटनास्थलमा रहेका ३२ वर्षीय रायन बल भन्छन्–हामी प्रायः यो खोलाको किनारमा आउने गर्छौं । यहाँ धेरै मानिसहरू आउँछन्। तर कहिल्यै केही पाएनन् । तत्कालका लागि बन्दुक बरामद भएपछि प्रहरीलाई खबर गरेका थियौँ ।

प्रहरीले घटनास्थलमा पुगेर हतियार बरामद गरी घटनास्थलको नजिकबाट निरीक्षण गरेको छ । खोलामा पानी कम भएकाले केही भाग खाली गरी हतियारको खोजी गरिने बताइएको छ ।