काठमाडौं। सरकारले निजामति सेवा दिवसको अवसरमा ४० जना कर्मचारीलाई पुरष्कृत गरेको छ।

यस वर्ष राहदानी विभागका उपसचिव डा.डमरुबल्लभ पौडेललाई निजामति सेवा पुरस्कारबाट पुरष्कृत गरिएको छ ।

२० औं निजामति दिवसको अवसरमा पौडेलसहित ३० जना कर्मचारीलाई निजामति सेवा पुरस्कार र १० जनालाई उत्कृष्ट निजामती सेवा पुरस्कारबाट पुरष्कृत गरिएको हो।

प्रधानमन्त्री पुष्पकमल दाहाल प्रचण्डले सिंहदरबारमा निजामति सेवा दिवसको अवसरमा आयोजित कार्यक्रममा कर्मचारीहरुलाई पुरस्कारसहित सम्मान गरेका हुन् ।

बिहीबार बसेको मन्त्रिपरिषद् बैठकको निर्णयअनुसार १० जनालाई उत्कृष्ट निजामती सेवा पुरस्कार र ३० जनालाई निजामती सेवा पुरस्कार दिने निर्णय गरेको थियो ।

निजामती सेवा दिवस मनाउन २०६१ सालबाट सुरु गरिएदेखि नै निजामती सेवा पुरस्कार वितरण गर्न थालिएको हो।