काठमाडौं। बडादशैंकाे एक हप्ता लामाे बिदा सकिएसँगै आजदेखि सरकारी कार्यालय खुल्दैछन्। सरकारले कात्तिक ४ फूलपातीदेखि ९ गते द्वादशीसम्म बिदा दिएको थियो।

बडादशैं भने भोलि पूर्णिमाका दिन समापन हुनेछ। कार्यलय खुल्ने भएपछि गाउँबाट फर्किनेकाे संख्या बढ्न थालेकाे छ। नागढुंगा, साँगा नाकामा सवारी साधनको लामो लाइन लागेको छ। नाकामा थप प्रहरी टोली परिचालन गरी व्यवस्थापन गर्न लागिएको उनको भनाइ छ।

दशैंको नवमी र दशमीका दिन काठमाडौं उपत्यकामा यातायात शून्य जस्तै बनेका थिए। नाकामा सवारी साधनको चाप बढेसँगै उच्च सतर्कता अपनाइएको प्रहरीले जनाएको छ।

पर्याप्त गाडी नचलेको र यातायात व्यवसायीले भाडामा मनपरी गरेको सर्वसाधारणको गुनासो छ।