काठमाडाैं। महान्यााधिवक्ता कार्यालयले सहकारी ठगी नियन्त्रण गर्न हालको कानूनले समाधान नदिए प्रभावकारी कानून निर्माण गर्न सुझाव दिएको छ।

सिंहदरवारमा बिहीबार बसेको सहकारी संस्था बचत रकम दुरुपयोग संसदीय छानबिन विशेष समिति बैठकमा महान्यााधिवक्ता रमेश बडालले यस्तो सुझाव दिएका हुन्।

समितिले सुझावका लागि महान्यााधिवक्ता बडाल, सर्वोच्चका बरिष्ठ, रजिष्टार देवेन्द्रराज ढकाल, नायव महान्यााधिवक्ताका साथै सहमहान्यााधिवक्ता समेतलाई समितिमा बोलाएको थियो।

छलफलका क्रममा सहकारी क्षेत्रलाई समस्यामुक्त बनाउनका लागि प्रभावकारी कानुन चाहिने सुझाव आएको समिति संयोजक सूर्य थापाले जानकारी दिए।

त्यस्तै सहकारी ठगी सम्बन्धमा सहकारी ऐन अनुसार सहकारी ठगी र अपराध संहिता अनुसार ठगीमा मुद्दा चलाउने समय नपुगेकाले नयाँ प्रवन्ध गर्नुपर्ने सुझाव आएको पनि उनले बताए।

सहकारी ठगिमा प्रहरीले जाहेरी लिन नमाने सरकारी वलिकमार्फत पनि जाहेरी दिन सकिने प्रवन्ध रहेको जानकारी आएको उनले बताए।