काठमाडौं । जिल्ला सुरक्षा समितिको निर्णयअनुसार जिल्ला प्रशासन कार्यालय पर्साले वीरगञ्जमा निषेधाज्ञा जारी गरेको छ। बिहीबार साँझ ५ बजेदेखि भोलि शुक्रबार बिहान ६ बजेसम्मका लागि निषेधाज्ञा लागू गरिएको हो।

प्रशासनद्वारा जारी सूचनाअनुसार वीरगञ्ज महानगरपालिका अन्तर्गत पूर्वमा प्रतिमा चोक र बसपार्क बाइपास रोड, पश्चिममा तिलावे पुल, उत्तरमा गण्डक चोक र दक्षिणमा शंकराचार्य गेटभित्रको क्षेत्रमा निषेधाज्ञा लगाइएको छ। तोकिएको अवधिमा यी क्षेत्रहरूमा पाँच जनाभन्दा बढी मानिस भेला हुन, सभा, जुलुस तथा प्रदर्शन गर्न नपाउने गरी रोक लगाइएको छ।