काठमाडौं । सउदी अरबको राजधानी रियादमा हवाई हमलाको चेतावनी जारी भएको केही घण्टामै रियाद अन्तर्राष्ट्रिय विमानस्थल नजिकै कालो धूवाँको मुस्लो देखिएको त्यहाँका मानिसहरूको भनाइ छ।

इरान समर्थित हुती विद्रोहीहरूसँगको तनाव बढेपछि रियादमा मानिसहरूलाई सतर्क रहन र घरभित्रै बस्न सल्लाह दिइएको यो पहिलो पटक रहेको उनीहरूको दाबी छ। त्यसयता राजधानीमा धेरै वटा विस्फोटको आवाज सुनिएको र किङ खालिद इन्टरनेसनल एअरपोर्ट प्रभावित भएको खबर प्राप्त भएको बताइएको छ।

ट्रेकिङ वेबसाइट ‘फ्लाइट राडर २४’ ले रियाद एअरपोर्टबाट हुने उडानहरूमा ढिलाइ भएको वा रद्द गरिएको जानकारी दिएको उसको भनाइ छ। एउटा रिपोर्टमा विमानस्थल नजिकैको इन्धन ट्याङ्कमा आगो लगाइएको उल्लेख गरिए पनि सउदी अधिकारीहरूबाट भने यसबारे कुनै आधिकारिक बयान नआएको बताइएको छ।

एएफपीका पत्रकारले सरकारी तेल तथा ग्यास कम्पनी अरामकोको जलेको इन्धन ट्याङ्कको आगो निभाउन अग्निभ्रंशक (फायरफाइटर्स) हरू लागिपरेको देखेको उनको भनाइ छ। सउदी सिभिल डिफेन्सले रातभर फोनमा अलर्ट पठाएर सम्भावित खतराको चेतावनी दिएको र शनिबार बिहान खतरा टरेको सन्देश जारी गरेको उनीहरूको भनाइ छ।

स्थानीय मानिसहरूले नाम नबताउने शर्तमा एएफपीलाई जानकारी दिँदै अलर्टपछि शहरमा धेरै वटा विस्फोट जस्तै आवाजहरू सुनेको उनीहरूको दाबी छ।