काठमाडौं।करदाता प्रोत्साहन उपहार कार्यक्रम अन्तर्गत असोज महिनाको दोस्रो पाक्षिक (असोज १६ गतेदेखि मसान्तसम्म) का विजेताहरू आज नयाँ सडकस्थित विशाल बजार परिसरबाट घोषणा गरिने भएको छ।

यसपटकको पुरस्कार घोषणामार्फत कुल १७ जना विजेताहरू छनोट गरिनेछन्। जसमध्ये १६ जनाले दैनिक रूपमा जनही १ लाख रुपैयाँ (करकट्टीबाहेक हातमा पर्ने नगद १ लाख ३४ हजार ३३४ रुपैयाँ) र बम्परतर्फ १ जनाले ७ लाख ५० हजार रुपैयाँ (करकट्टीबाहेक हातमा पर्ने १० लाख रुपैयाँ) नगद पुरस्कार प्राप्त गर्नेछन्।

विशाल बजार परिसर, न्यु रोडमा बिहान १० बजे आयोजना हुने यस विजेता घोषणा कार्यक्रममा लोकप्रिय कलाकारद्वय दीपकराज गिरी र दीपा श्री निरौलाले विजेताहरूको नाम घोषणा गर्नेछन्। कार्यक्रममा प्रधानमन्त्री तथा मन्त्रिपरिषद्को कार्यालय, अर्थ मन्त्रालय र आन्तरिक राजस्व विभागका उच्च पदस्थ अधिकारीहरूको समेत उपस्थिति रहनेछ।