काठमाडौं काठमाडौंको बाफलमा एक युवतिमाथि एसिड आक्रमण गरेको आरोपमा दुईजना अभियुक्तलाई पुर्पक्षका लागि थुनामा राख्न आदेश दिइएको छ।

काठमाडौं जिल्ला अदालतले बिहीबार अभियुक्त मोहम्मद आलम र फैयाज आलमलाई पुर्पक्षका लागि थुनामा राख्न आदेश दिएको हो।

गएको साउन ८ गते ओखलढंगाकी पवित्रा कार्कीमाथि एसिड आक्रमण गरिएको थियो। ती युवतिको कीर्तिपुरस्थित अस्पतालमा उपचार भइरहेको छ। जिल्ला अदालतका न्यायाधीश कृष्णजंग शाहको एकल इजलासले पीडित युवतीलाई पीडित राहत कोषबाट २ लाख रुपैयाँ राहत दिन पनि आदेश दिएको छ।