काठमाडौं। लोकेसेवा आयोगको साइट ह्याक गरेको आरोपमा प्रहरीले तीन जनालाई पक्राउ गरेको छ। नेपाल प्रहरीको साइबर ब्युरोले उनीहरुलाई कास्कीबाट पक्राउ गरेको हो।

पक्राउ पर्नेहरुमा ललितपुरको महालक्ष्मी नगरपालिका ९ सानागाँउ बस्ने २५ वर्षीय विवेक महर्जन र अन्य दुई जना पोखरा महानगरपालिकाका १७ र १५ वर्षीय युवाहरु रहेको ब्युरोले जनाएको छ। उनीहरुमाथि साइट ह्याक गरेर गलत सूचना सम्प्रेषण गरेको आरोप लगाइएको छ।

‘आयोगको वेभसाइटमा अनाधिकृत रुपमा पहुँच बनाई गलत सूचना प्रवाह गरेको देखिएको छ यसबारे हामी अनुसन्धान गरिहेका छौ’, व्यूरोका प्रमुख एसएसपी नविन्द अर्यालले भने। लोकेसेवा आयोगको साइट ह्याक गरेर अनाधिकृत रुपमा गलत सूचना प्रवाह गरेको उजुरी ब्युरोमा परेपछि अनुसन्धान सुरु गरेको थियो।