काठमाडौं । पछिल्लो २४ घण्टामा काठमाडौं उपत्यकामा ३ हजार ५९५ जनामा कोरोना भाइरस संक्रमण पुष्टि भएको छ ।

काठमाडौं जिल्लामा २ हजार ७४४, ललितपुरमा ५५० र भक्तपुरमा ३०१ जनामा गरी ३ हजार ५९५ जनामा कोरोना भाइरस संक्रमण पुष्टि भएको हो ।

आइतबार नेपालमा हालसम्मकै उच्च बिन्दुमा कोरोना भाइसरसका बिरामी थपिएका छन् । १६ हजार १४७ जनाको पीसीआर परिक्षण गर्दा ७ हजार १३७ जनामा र ६२३ जनाको एन्टीजेन परिक्षण गर्दा ७४ जनामा गरी ७ हजार २११ जनामा कोरोना भाइरस संक्रमण पुष्टि भएको हो ।

पछिल्लो २४ घण्टामा नेपालमा कोरोना भाइरसका कारण थप २७ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ४८ हजार ७११ रहेको छ । पछिल्लो २४ घण्टामा १ हजार ६१२ जना निको भएका छन् ।

हालसम्म कोरोनाको कारण ३ हजार ३२५ जनाको मृत्यु भएको छ ।