काठमाडौं। प्रधानमन्त्री शेरबहादुर देउवाले प्रतिनिधिसभामा आफूलाई विश्वासको मत दिन प्रस्ताव पेश गरेको छ। सर्वोच्च अदालतको परमादेशपछि संविधानको धारा ७६ को उपधारा ५ बमोजिम प्रधानमन्त्री नियुक्त भएका देउवाले संसद विघटन बदरपछि पहिलो पटक बसेको बैठकमा विश्वासको मत मागेका हुन्।

देउवाको समर्थनमा माओवादी, जसपा, एमालेको माधव समूह र राष्ट्रिय जनमोर्चा रहेकाले उनले विश्वासको मत पाउने सम्भावना बलियो छ।