काठमाडौं। शाइन रेसुंगा डेभलपमेन्ट बैंकले लाभांश वितरण गर्ने विशेष प्रस्ताव पारित गर्न मंसिर २९ गते बुधबार वार्षिक साधारण सभा गर्ने भएको छ । सभा महाराजा रिसोर्ट, बुटवल रुपन्देहीमा बिहान ११ बजे सुरु हुने भएको छ ।

सभामा बैंकले आर्थिक वर्ष २०७७/७८ को मुनाफाबाट १०.९३ प्रतिशत बोनस सेयर र बोनसमा लाग्ने कर तिर्न शुन्य दसमलब ५७ प्रतिशत नगद लाभांश वितरण गर्ने विशेष प्रस्ताव पारित गर्ने भएको छ। साथै, जारी तथा चुक्ता पुँजी बृद्धि गर्ने र सोही बमोजिम प्रबन्धपत्र संशोधन गर्ने एजेन्डा पनि छ ।

सभामा अन्य कुनै उपयुक्त बैंक तथा वित्तीय संस्थासँग मर्ज अथाव एक्विजिसनका लागि आवश्यक सम्पूर्ण कार्यहरु गर्न–गराउन सञ्चालक समितिलाई अख्तियारी दिने एजेन्डा पनि छ । आर्थिक वर्ष २०७७–७८ को वार्षिक प्रतिवेदनमा छलफल गर्ने, नाफा–नोक्सान हिसाब पारित गर्ने र लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुने भएको छ ।