काठमाडौँ। साताको कारोबारको पाँचौ दिन बिहिबार नेपाली बजारमा सुनको मूल्य बढेको छ। बिहिबार छापावाला सुनको मूल्य प्रति तोलामा ९८ हजार ६ सय रुपैयाँ कायम भएको छ।

बुधबार प्रति तोला ९७ हजार २ सय रुपैयाँमा कारोबार भइरहेको छापावाला सुन आज १ हजार ४ सय रुपैयाँले बढेर प्रति तोला  ९८ हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। तेजावी सुनको भाउ तोलाको ९८ हजार १ सय रुपैयाँ निर्धारण गरिएकाे छ।

यता, चाँदीको मूल्य प्रति तोला १ हजार ३ सय ५ रुपैयाँ कायम भएको छ। चाँदीको मूल्य प्रति तोला १५ रुपैयाँले बढेको हो। बुधबार चाँदी प्रति तोला १ हजार २ सय ९० रुपैयाँ कारोबार भएको थियो।