काठमाडौं । इटालीको अल्पाइन ग्लेशियरको ठूलो भाग भत्किएको छ । यसको चपेटामा परेर कम्तीमा ६ जनाको मृत्यु भएको छ । ९ जना घाइते भएका छन् । इटालीको सरकारी टेलिभिजन च्यानलका अनुसार हिउँ र चट्टानको भग्नावशेषमुनि अनुमानित १५ जना मानिस बेपत्ता छन् । मृत्यु हुनेको संख्या बढ्न सक्छ।

नेसनल अल्पाइन एण्ड केभ रेस्क्यू कोर्प्स अफिसर माइकला कानोभाले भने- सूचना प्राप्त हुनासाथ मानिसहरूलाई बचाउने अभ्यास सुरु गरिएको थियो। घाइतेमध्ये दुईलाई बेलुनोको अस्पतालमा लगिएको छ। सोही क्रममा एक जनाको अवस्था गम्भीर रहेको छ । उनलाई ट्रेभिसोको अस्पतालमा भर्ना गरिएको छ । ५ जनालाई ट्रेन्टोको अस्पतालमा लगिएको छ ।

The footage of the large ice avalanche in Marmolada today in close proximity.

We don’t know the author, we will write it in the comments as soon as we will know it.

Indeed an impressive sequence pic.twitter.com/zDo4q40qOP

— Alpine-Adriatic Meteorological Society (@aametsoc) July 3, 2022

द गार्डियनको समाचार अनुसार अल्पाइन उद्धार सेवाका प्रवक्ता वाल्टर मिलानले पुन्टा रोक्का नजिकैको इटालियन डोलोमाइट्सको सबैभन्दा अग्लो माउन्ट मार्मोलाडामा ग्लेशियर भत्किएको बताए । मारमोलाडाको उचाइ करिब ११ हजार फिट छ। मारमोलाडा चुचुरो क्षेत्रमा जारी उद्धार कार्यमा ५ वटा हेलिकप्टर र स्निफर कुकुरको सहयोग लिइएको छ ।

हिमनदी फुट्नुको कारण थाहा नभएको बताउँदै उनले ग्लेशियरको ठूलो हिस्सा के कारणले फुटेको हो थाहा नभएको बताए । इटालीले जुन महिनादेखि चर्को गर्मीको सामना गरिरहेको उनले बताए । हिमनदी फुट्नुको कारण गर्मी पनि हुनसक्छ ।

ग्लोबल वार्मिङका कारण विश्वभरका हिमनदीहरू पग्लिरहेका छन् । यसलाई रोक्नको लागि, इटालियन वैज्ञानिकहरूले अल्पाइन पहाडहरूमा रहेको हिमनदीमा सूर्यको प्रकाश प्रतिबिम्बित गर्ने तिरपाल राखे। यो काम सम्पन्न गर्न इटाली सरकारले क्यारोसेलो टोनाले कम्पनीलाई जिम्मेवारी दिएको छ ।